Har du lyst til å besøke Skarbøgarden i sommar? Vi inviterer til gardsbesøk med omvising på utvalde dagar. Same kveld kan du vere med på Sidersmaking på Skinkerådhuset, i hjartet av Stranda. Du kan også svinge innom gardsbutikken.
Besøk Skarbø Gard og ver med på omvising i tunet, med ysteri, sideri og gardsbutikk. Vi vandrar i eit levande kulturlandskap med bygningar frå 1600-talet og fram til i dag, og de får eit innblikk både i historia og dagens drift. Det bur både kattar, høner, kyr og kalvar på garden, og vi helsar gjerne på dei på vegen. Litt prøvesmaking høyrer sjølvsagt med. Du kan tinge plass her.
På dei same dagane i sommar vert det også Sidersmaking med ost- og skinketapas på Skinkerådhuset, det staselege huset i hjartet av bygda vår. Kom og nyt det beste frå Stranda 😊 Meir info og booking på finn du her.
Gardsbutikken er sommaropen onsdag – laurdag kl 15 – 17. Vil du å besøkje oss andre tider, er du velkomen til å ta kontakt på tlf 9078 1881 (Kristine) eller 9082 0469 (Carlos).
I gardsbutikken finn du sidrane våre, både dei som er på Vinmonopolet, og nokre «limited edition» sortar som berre finst her. Du får dei fire ostane våre, og godt tilbehør som honning, gelé, marmelade og chutney frå andre lokale produsentar. Og er du heldig har vi ferske, brune egg frå den vesle hønseflokken på tunet, og grønt og frukt frå hagen.