Velkomen til garden Skarbø ved Storfjorden på Sunnmøre. Her byggjer åttande generasjon, Kristine og Carlos, på lange tradisjonar og solid handverk for å gi deg uforgløymelege smaksopplevingar.
Osten vår er ysta av heilt fersk, upasteurisert mjølk frå dei tjue kjekke kyrne våre. Osten får god tid til å modnast i ein naturleg sval steinkjellar slik at smaken vert rik og fyldig. Den vellagra osten Soleglad fekk bronsemedalje i Oste-VM 2018/2019.
Når haustsola blinkar i bakkane, plukkar vi saftig frukt og pressar fersk most. Gjennom fredfylt vinterstid vert most til edel sider. Eple frå fine tradisjonssortar gir sideren vår ein særeigen smak og karakter.